Нэгэн бяцхан модон хүний ер бусын адал явдлын тухай өгүүлэх энэ үлгэрийг олон жилийн өмнө Оросын нэрт зохиолч А.Н.Толстой бичжээ. Энэ гайхамшигт номыг та бидний эцэг эх түүнчлэн эмээ, өвөө маань хүртэл шимтэн уншдаг байсан билээ. Харин өнөөдөр хүүхдүүд та бүхэнд энэхүү сонирхолтой номын гол баатрууд болох хөгжилтэй Буратино, Карло аав, Мальвина, Пьеро Артемон нартай сайн найзууд болох тохиол бүрдэж байна.